Brittany Starr Bowe (Ocala, Florida, AEB, 1988ko otsailaren 24a) patinatzaile, lineako patinatzaile eta saskibaloi jokalari ohi estatubatuarra da. Zortzi urrezko, zilarrezko bat eta brontzezko bi domina ditu munduko lineako patinaje txapelketetan[1]. Gazte denborako beste 21 domina ditu munduko txapelketan[1]. Urrezko domina ere badu 2007ko Panamerikar Jokoetan, patinetako esprint konbinatuko proban lortutakoak[1].
Abiadura-patinajean, 500, 1.000 eta 1.500 metrotan espezializatu da eta 1.000 metroko distantzian, brontzezko domina irabazi zuen 2013ko Banakako Distantziako Munduko Txapelketan. 2015eko Banakako Ddistantziako Munduko Txapelketan, distantzia berean, urrezko domina irabazi zuen, baita beste urrezko domina bat ere 1.500 metrotan, eta zilarrezko domina ere 500 metrotan. Bi aste geroago, 2015eko Munduko Esprint Txapelketa ere irabazi zuen lineako lau lasterketak irabaziz. Brontzezko bi domina irabazi zituen 2018ko eta 2022ko Olinpiar Jokoetan.
Banakako distantziako txapelketako 1.000 metroko lehiaketan egindako lanagatik, Bowek 2015eko Oscar Mathisen saria jaso zuen[2].
Bowek, 1.000 metroko distantzian, egungo munduko errekorra du[3], eta, aurretik, 1.500 metroko munduko errekorra ere izan zuen[4]; distantzia horretan, Amerikako errekorra du[5]-
usspeedskating
izeneko erreferentziarako